بعد ضبط طرفي المشادة.. أول تعليق من والدة صاحبة واقعة التهديد بالسحر في الشرقية
محافظات
صاحبة الواقعة
علّقت والدة صاحبة واقعة الفيديو المتداول على مواقع التواصل الاجتماعي والمعروف بواقعة السحر والأعمال بمحافظة الشرقية، على ما جرى بعد القبض على ابنتها قائلة، إن ما بدر من ابنتها كان في لحظة غضب بسبب اعتداء تعرضت له.
أول تعليق من والدة صاحبة واقعة التهديد بالسحر في الشرقية
وقالت السيدة في تصريحات لـ القاهرة 24: أنا سيدة مسنة ومريضة بالسكر وصوابع رجلي مقطوعة، وبنتي سناء بتجي تساعدني وتعملي الأكل، وزوجة ابني مبتنزلش ولا بتساعدني بأي حاجة.
وواصلت: يوم الواقعة نزلت مرات ابني وقطعت خرطوم الأنبوبة وضربت بنتي اللي من ذوي الهمم، وأنا كنت باعتة بنتي عشان تساعدني.
واختتمت: لما بنتي وصلت لقت مرات أخوها بتضربني أنا وبنتي، فساعتها ثار غضبها وقالت الكلام دا في لحظة غضب، لكن الحقيقة إن الموقف كان صعب جدًا ومش زي ما اتعرض في الفيديو.
