مصطفى حدوتة عن ترشح أغنية أنا - أنت للجرامي: حدث تاريخي للمصريين بعد 20 سنة
علق الشاعر مصطفى حدوتة، على مشاركة أغنية أنا - أنت، للفنان محمد رمضان في المرحلة الأولى من سباق جوائز الجرامي 2025، وذلك بعد غياب ترشيح الأعمال المصرية للجرامي بعد ما يقرب من 20 عاما.
وكتب حدوتة عبر حسابه على انستجرام: بعد تجارب وشغل كتير بدأ من أول أغنية (ثابت) اللي ليها معايا حكاية خاصة لأنها اتسجلت يوم فرحي ونزلت أول يوم جوازي عشان أمضي عقودها، وبعد أغاني كتير منهم (خمسة كل خميس) و(أنا البلد) و(رقم واحد يا أنصاص) لحد (إيه يا قلبي) و(أنا أنت) كانت رحلة ممتعة وتجارب رائعة.
وأضاف: ولكن أنا كنت تعبان نفسيًا جدًا وأنا شغال مع محمد رمضان إني محققتش أكبر رقم معاه وده بيسببلي إزعاج كبير جدًا.. ولكن السنة دي حققت معاه حاجه أحلى وأهم الحمد لله إن أغنية (أنا - أنت) اترشحت للجائزة الأكبر للموسيقى في العالم وهي جائزة (الجرامي).
وأردف حدوتة: وللعلم الجائزة دي ماترشحش ليها فنان مصري من 20 سنة ولم يفز بها إلا فنان مصري وحيد وهو الموسيقار (فتحي سلامة) وده حدث تاريخي بالنسبة لي وبالنسبة لنا كمصريين.
كما وجه مصطفى حدوتة الشكر لكل الصناع الذين تعاون معهم في الأغاني التي جمعته مع النجم محمد رمضان، وخص بالذكر صناع أغنية أنا - أنت، قائلًا: بشكر الفنان محمد رمضان ع ثقته الكبيرة فيا وبشكر كل اللي تعاونوا معايا ومعاه في كل أغانينا وأخص بالشكر صناع (أنا - أنت) وهما أخواتي كولبيكس ومصطفى تاج، بالتوفيق والنجاح للجميع.
