يسرا اللوزي: الجيل الجديد مش عارف أصول الشغلانة.. محتاجين يقعدوا مع الجيل الأكبر قبل ما يروح
أعربت الفنانة يسرا اللوزي، عن استيائها بسبب تصرفات الجيل الجديد من الممثلين، موضحة أنهم لم يتعلموا أصول مهنة التمثيل وكيفية التعامل مع فريق العمل من الأجيال القديمة.
وقالت يسرا اللوزي، في تصريحات إذاعية: الشغلانة كان ليها أصول وفي حاجات تصح وحاجات متصحش، شهرة السوشيال الميديا السريعة يعني النهاردة مش معروف وبكرة معروف أوي وعنده مليون متابع وبقى شايف نفسه حاجة، الشخص ده بيصعب عليا لأنه ضحية لأن الموضوع بيضرب في دماغه وبيجيله جنون عظمة، والواحد لو مش ثابت أوي وعارف أصله هيروح بسرعة.
وتابعت يسرا اللوزي: الناس دي بتروح في حتة غلط وسمعتهم بتبقى وحشة وبيعملوا شغل وحش ورافضين يذاكروا، ومبيحترموش الخبرة ومش عارفين القوانين بتاعة التعامل في فريق العمل، والجيل ده بجد محتاج يقعد مع الجيل الأكبر منه قبل ما يروح ويشوف بيتعامل ويشتغل إزاي.
يسرا اللوزي عن مشاركتها في فيلم صقر وكناريا: حبيت أقدم كوميدي
وعلى جانب آخر، سبق وتحدثت الفنانة يسرا اللوزي، في لقائها مع القاهرة 24، عن مشاركتها في فيلم صقر وكناريا، قائلة: فيلم صقر وكناريا جالي فجأة بعد رمضان وحبيت إني أشارك فيه، ودي أول مرة أشتغل مع أستاذ حسين المنباوي، وأول ما عرفت أني هبقى مع شيكو افتكرت أيام فيلم بنات العم ومشاهدنا وعلاقتنا، كنت بضحك في الفيلم.
