منى هلا تكشف تفاصيل تعرضها للتحرش من مُسن عمره 74 عاما: تفكيري اتشل
كشفت الفنانة منى هلا، تفاصيل تعرضها للتحرش الجنسي من رجل أجنبي الجنسية مُسن يبلغ من العمر 74 عاما، موضحة أنها لم تستطيع أخذ رد فعل لحظة وقوع التحرش.
وقالت منى هلا، في تصريحات تلفزيونية: جاري عنده 74 سنة اتحرش بيا السنة اللي فاتت، ورحت عملت له محضر وقلت لـ بنته ومراته وجيرانه، أنا مش شايفة أن ده انتقام ولكن ده حقي.
وتابعت منى هلا: أنا شايفة أن التحرش ده أقذر حاجة ممكن تحصل للست، لأنك بتقعدي فترة بتشوفي كوابيس، ولما بشوفه بيحصل لـ غيري ممكن أضرب الشخص ولكن لما حصل معايا حسيت أن تفكيري أتشل ومخي وقف.
منى هلا تكشف سبب ابتعادها عن الأعمال المصرية
وعلى جانب آخر، سبق وكشفت الفنانة منى هلا، سبب ابتعادها الفني عن الأعمال المصرية بشكل ملحوظ، حيث قالت في لقائها مع القاهرة 24: أنا أغلب وقتي بقيت بقضيه برا مصر لأن بيبقى عندي شغل هنا بروح أعمله وبرجع، وبدي ورش تمثيل، وممكن أعمالي قليلة في مصر شوية بسبب إني بحب المخرج يديني مساحتي أكتر، وبحب احترام المواعيد، واتعلمت ده أكتر من الأجانب.
كما روت منى هلا، موقف أزعجها من مُعجبة لها، عندما قابلتها في أحد الشوارع، قائلة: من المواقف اللي ضايقتني قبل كدة مع حد من المعجبين، إني كنت ماشية في الشارع وفي بنت جريت عليا خضتني وفضلت تحضن وتبوس فيا، والموضوع ضايقني جدا لأني بكره التلامس وممكن أقبله من حد قريب مني بس، وهي انتهكت خصوصيتي.
