ليلى طاهر.: مفيش امتداد لـ فاتن حمامة ولا شادية.. وأرفض تقديم سيرتي الذاتية
تحدثت الفنانة ليلى طاهر عن رأيها في مستوى الأعمال الفنية المُقدّمة حاليًا، مؤكدة أنها لا ترقى إلى قيمة وإبداع زمن الفن الجميل، رغم وجود بعض المواهب الشابة على الساحة، كما شددت على أن لا أحد من الفنانين الحاليين يُجسّد مسيرتها الفنية.
ليلى طاهر.: مفيش امتداد لـ فاتن حمامة ولا شادية
وقالت ليلى طاهر في تصريحاتها لـ القاهرة 24: كل اللي بيتقدم دلوقتي في الفن مجرد محاولات، بس الفن المصري كان نام بقاله فترة طويلة وبعدين رجع شوية بنجوم جداد، ربنا يوفقهم، بس مش زي زمان الموضوعات اللي بتتناول مش بالقيمة الكبيرة، واختيار الممثلين نفس الشيء بس في جزء من الفنانين عندهم مواهب.
وتابعت ليلى طاهر: مفيش حد من الفنانين اللي موجودين دلوقتي يقدر يكمل مسيرتي لأن كل واحد منهم ليه لون، وأنا ليا لون مختلف، هما شكل، وأنا شكل، ومفيش حد امتداد لحد، زي أن لحد النهاردة مفيش حد امتداد لفاتن حمامة ولا لـ شادية، ومفيش فنان امتداد لفنان تاني.
آخر أعمال الفنانة ليلى طاهر
تعٌد آخر أعمال ليلى طاهر مشاركتها في مسلسل الباب في الباب والذي دارت أحداثها في إطار درامي حول حماة وابنها وزوجته اللذين يسكنان في الشقة المقابلة لها، ترصد الأحداث تدخل الحماة في حياة ابنها، وما يتبع ذلك من مواقف اجتماعية في إطار كوميدي، تدور الأحداث في هذا الجزء حول تقبل الأم لزوجة ابنها، والاستسلام لفكرة أن لهم حياتهم المستقلة.
وضم العمل عددًا من الفنانين أبرزهم الفنان أحمد خليل، ليلى طاهر، كارولين خليل، شريف سلامة، كريم طارق، وغيرهم، والعمل من إخراج تغريد العصفوري وتأليف أحمد بدوي.
