أقوال الراقصة بوسي الأسد خلال التحقيقات: كنت شغالة رقاصة لحد 2023.. ودلوقتي بصرف من معاش والدي
يواصل القاهرة 24، نشر تفاصيل التحقيقات في قضية اتهام الراقصة بوسي الأسد بنشر الفسق والفجور عبر مواقع التواصل الاجتماعي، وذلك بعدما أمرت جهات التحقيق المختصة بتجديد حبسها 45 يومًا على ذمة التحقيقات في القضية.
أقوال الراقصة بوسي الأسد خلال التحقيقات
قالت الراقصة بوسي الأسد في أقوالها أمام جهات التحقيق: "كنت بشتغل رقاصة لحد سنة 2023، ودلوقتي بصرف من معاش والدي".
وحصل القاهرة 24 على نسخة من التحقيقات، حيث ورد في أقوالها أنه عند سؤالها: متى تم ضبطك وأين حدث ذلك؟ أجابت: "أنا اتمسكت يوم 13/8/2025 في شقتنا."
تفاصيل أقوالها في التحقيقات
س: من كان برفقتك آنذاك؟
ج: "كان معايا والدتي."
س: ما سبب ومناسبة تواجدك في الزمان والمكان سالفي الذكر؟
ج: "كنت رايحة مع صحبتي تعمل إنترفيو."
س: ما هي ظروف نشأتك؟
ج: "أنا من مواليد 23/8/1999 في القوصية – أسيوط، حاصلة على دبلوم تجاري من أسيوط، والدي توفي بعد انفصاله عن والدتي بعدة سنوات، وليَّ أخ يعمل فني تكييف. كنا بنصرف من معاش والدي اللي قيمته 7 آلاف جنيه، وبعد كده اشتغلت كراقصة من سنة 2018 لحد سنة 2023، وبعدها حصلت لي مشكلة في الشغل فبطلت وقعدت في البيت، ودلوقتي بصرف من معاش والدي وأخويا".
