المعلمة أهملت علاجه والإدارة قالوا لنا مش فاضيين.. أسرة صغير الدقهلية تكشف تفاصيل قذفه بكتاب أصاب عينه
أثارت واقعة قذف معلمة لطالب في عينيه بـ محافظة الدقهلية، حالة غضب واسعة عبر منصات السوشيال ميديا بعد ساعات قليلة من مشاركة الأم للواقعة عبر حسابها، إذ أصيب صغيرها بـ جرح في القرنية قد يسبب له فقدان كامل للبصر.
أسرة صغير الدقهلية تكشف تفاصيل قذفه بكتاب في عينه
وقالت الأم في تصريحات خاصة لـ القاهرة 24: تلقيت اتصالا بالأمس من مدرسة نجلي فادي، تفيد بأن الولد تعرض لإصابة في عينه، وطلبوا مني المجيء للمدرسة فورًا، وعند وصولي وجدت نجلي يبكي بسبب قذف مدرسة الفصل الكتاب في عينه بدلًا من زميله الجالس أمامه، وكان يرتكب أعمل شغب خلال الحصة الدراسية، وتفاجأت عند معرفتي أن المعلمة لم تلجأ لعلاج الصغير فورًا وتركته على الأرض مدعية أنه «بيدلع ويستهبل».
وأردفت: الكتاب جه على ابني بالغلط بدل من زميله اللي كان قاعد قدامه والمعلمة كانت بتحدفه بالكتاب لأنه عامل شغب، ولما دخلت لإدارة المدرسة المحترمة تعاملوا بسلبية مع الواقعة وقالوا لي عندنا شغل والدنيا زحمة، حالة ابني دلوقتي صعبة لأن عنده شرخ في القرنية ولسه الحالة مش مستقرة، عايزين حق الولد عشان الموضوع ميتكررش تاني مع أطفال تانية، واللي خلانا نلجأ للطريقة دي وننزل على السوشيال ميديا أن المعلمة لما قولنالها حالة الطفل كذا قالت مليش دعوة واعملوا اللي عايزين تعملوه.
