تفاصيل تعرض الفنانة منة جلال لـ ذبحة صدرية
كشفت الفنانة منة جلال، عن تعرضها لوعكة صحية وذبحة صدرية أمس الجمعة، موضحة أن الأمر بدأ بـ هبوط في ضغط الدم، محذرة جمهورها من الاستهانة بـ أعراض هبوط ضغط الدم.
تفاصيل تعرض الفنانة منة جلال لـ ذبحة صدرية
وكتبت منة جلال، عبر حسابها الشخصي بموقع التواصل الاجتماعي فيس بوك: أنا امبارح جالي ذبحة صدرية والحمد لله لحقت نفسي، مع ضغط واطي الدنيا كانت بتلعب بيا، فجأة كده وقعت خلي بالكوا من موضوع الضغط، واللي يقول أنا ضغطي واطي أو عالي وبيطنش لازم يكشف، الموضوع ده بيعمل كوارث.
منة جلال تكشف سبب اتجاهها لـ التيك توك
وعلى جانب آخر، سبق وكشفت الفنانة منة جلال، سبب اتجاهها لـ لايفات التيك توك، حيث قالت في تصريحات تليفزيونية: أنا لما بكون محطمة نفسيًا بطلع لايف على التيك توك علشان اتكلم مع الناس بعتبرهم عيلتي وفرق معايا وبحبه وبقيت قريبة من الناس أكتر وفيه روح وكيان والناس بتشوفني على طبيعتي وعملت صداقات عوضتني عن حاجات كتير في حياتي وبتديني طاقة إيجابية.
وأضافت: بستغرب ليه الناس بتهاجم الفنانين اللي بيطلعوا لايف على التيك توك أنا بطلع مع أصحابي نهزر ونضحك ونتبسط وفي أي مكان دلوقتي لازم تتسألي عندك كام متابعين والبلوجر دلوقتي هما اللي بقوا في الأوائل لكن فيه ناس بتفتعل التريند علشان تتشهر أكتر ودول عندهم أمراض نفسية.
