بنك مصر يحذّر من النصب الإلكتروني: أوعى تجاوب أوعى تدوس خبي بياناتك!
قرر بنك مصر مواجهة النصب الإلكتروني بطريقة مختلفة ومباشرة! بدل الاكتفاء بالتحذيرات على الشاشات بإعلانات مصوره فقط، قرر أن تكون رسائله في الشوارع والمترو بلافتات كبيرة وواضحة تقول للناس ببساطة: أوعى تجاوب على أسئلة الاحتيال، أوعى تدوس على لينك الاحتيال، خبي بياناتك من النصب الإلكتروني.
احمي نفسك واحمي اللي حواليك
وأوضح البنك: الحملة دي مش بس تحذير… دي دعوة للوعي. بنك مصر بيقول لكل واحد فينا: خليك واعي، احمي نفسك واحمي اللي حواليك، لأن كل ضغطة غلط ممكن تكلفك كتير، لافتا الى أن المواطنين لاحظوا الحملة وتحدثوا عنها، الكل حس إنها قريبة منهم وبتكلمهم بلغتهم، وإن البنك يحاول يحميهم بدل ما يسيبهم للنصابين.
كشف البنك عن تحضيره لنحو 4 إعلانات تلفزيونية جديدة تشرح طرق الاحتيال المنتشرة بأسلوب واقعي وسهل. الهدف إن محدش يقع في الفخ تاني، وكلنا نبقى أذكى قدّام أي رسالة أو مكالمة مشبوهة.
ذكر: في النهاية، الرسالة بسيطة وواضحة، أوعي تجاوب، أوعي تدوس، خبي بياناتك. امانه علينا نوعي الناس حوالينا.
