أجبروني على الاستقالة.. شاب يستغيث بعد فصله تعسفيًا من وزير الحلو | خاص
استغاث شاب من محافظة الجيزة عبر حسابه بمنصة تيك توك للفيديوهات بعد فصله تعسفيًا من مصنع وزير الحلو، إثر مشاجرة مع الإدارة، بعد الاعتداء عليه لفظيًا من أحد أفرادها.
شاب يستغيث بعد فصله تعسفيًا من مصنع وزير الحلو
وقال الشاب في تصريحات خاصة لـ القاهرة 24: شغّال في مصنع وزير الحلو بقالي كتير شيف حلواني، وعندي خبرة كبيرة جدًا في الحلويات، من كام يوم كنت بأخد فترة الاستراحة بتاعتي وبشرب سيجارة في المكان المخصص للتدخين للعمال والموظفين، ولكن تفاجأت إن أحد مديري المصنع بدأ يشتمني بألفاظ خارجة وغير لائقة.
وأردف: وأنا وقتها رجعت وكملت شغل عادي، وبعد ما المدير مشي من المكان معدتش ساعة واحدة ولقيت مسؤول التعيين الـ HR جاي بيقول لي امضي على استقالتك خلاص مش عايزينك في المكان، رغم أن في فترة 15 يوم مكتوبة في العقد قبل الاستقالة وقال لي دي تعليمات.
وأضاف: قلت له يعني ده يرضي ربنا إن ورايا التزامات وعليا أقساط زي أي حد، وأنت بتجبرني امشي وأسيب الشغل حالا، طبعًا اتصدمت من الموقف وأنا دلوقتي مفيش قدامي شغل ولا مكان عمل تاني وكل ده ظلم حسبي الله ونعم الوكيل، خربوا بيتي.
