عبد الحليم علي: الزمالك مش حقل تجارب ولازم وقفة مع كل من يدير الكرة بالنادي
عبر عبد الحليم علي نجم الزمالك السابق عن حزنه الشديد من تعادل الأبيض مع غزل المحلة مساء اليوم في الدوري الممتاز.
تصريحات عبد الحليم علي
وقال عبد الحليم علي في تصريحات تلفزيونية: لازم وقفة مع كل من يدير الكرة في نادي الزمالك، وعايز أقول إن نادي الزمالك مش حقل تجارب واللي بيحصل ده صعب أوي.
وأكمل: في أخطاء متكررة وسلبيات وحرق دم، وفين اللاعيبة الكويسة اللي الزمالك اتعاقد معاها، الزمالك وجماهيره أكبر من كده ومن اللي بيحصل ده.
وتعادل الزمالك مع غزل المحلة بهدف لكل فريق في المباراة التي أقيمت على ستاد هيئة قناة السويس في الإسماعيلية.
الجدير بالذكر أن،، هتفت جماهير الزمالك عقب مباراة غزل المحلة مطالبة بـ رحيل يانيك فيريرا قائلة: روح يا فيريرا، وهتفت الجماهير ضد إدارة النادي في المدرجات: واحد اتنين.. إدارة النادي فين.
وبعد التعادل مع المحلة،، يواصل الزمالك نزيف النقاط للمباراة الثالثة على التوالي، بعد التعادل مع الجونة ثم الخسارة من النادي الأهلي ثم التعادل مع غزل المحلة.
