عماد النحاس: الفوز الرابع على التوالي مكسب كبير رغم الإجهاد بعد القمة
تحدث عماد النحاس، المدير الفني لفريق الكرة الأول بالنادي الأهلي، عقب الفوز على كهرباء الإسماعيلية في الجولة العاشرة من مسابقة الدوري المصري الممتاز.
تصريحات عماد النحاس
وقال عماد النحاس في المؤتمر الصحفي: ياسر إبراهيم عنده دوخه مش أكتر.. إيه سببها الله أعلم، واتبلغت بدوخة ياسر وقت التسخين واتسأل ياسر قال لا أنا هكمل.
وأضاف: ممكن لما النتيجة بقت 2- 0 محبش يكمل وإحنا برضه خوفنا عليه أكتر وفضلنا إنه يرتاح، خصوصا أن في بدائل زي العش وبيكهام.
وتابع: مبروك والحمد لله على الفوز الرابع على التوالي، المباريات قبل أو بعد القمة بتبقى رخمة شوية بلغة الكرة، قبل القمة بيبقى في قلق شوية من الإنذارات والإصابات، وبعد القمة اليوم ظهر عليها بعض الإجهاد بعد المجهود المبذول.
واستطرد: كان المفروض خبرات لاعبينا أكبر اليوم ومنستقبلش أهداف لكن في النهاية الفوز برباعية اليوم جيد جدا ومكسب كويس، النهاردة في لاعيبة رجعت للتهديف واطمنا على لاعبين آخرين راجعين من الإصابات، بقول للاعيبة مبروك ويروحوا للمنتخب سواء الأول أو الثاني وعلى حسب باقي اللاعيبة اللي مش هتروح المنتخب هنشتغل معاها.
وأردف: اللاعبون قدموا المطلوب منهم وثقتي كبيرة في الجميع، الأداء بعد مباريات القمة يكون اصعب بسبب الضغط العصبي والبدني، كهرباء الإسماعيلية قدم أداء مميز ورضا شحاتة مدرب قدير، سجلوا هدفين لان هذه طبيعة كرة القدم والتوفيق يكون مهما.
وأكد: إصابة الشحات بسيطة، ونعاني من الاصابات ولدينا فترة طويلة قبل الاستعداد لمواجهة بطل بوروندي، والغريبة إن الشحات بيشوط فاول فتحصل إصابة لكن دا قدر ربنا، والشحات كان ماشي بشكل كويس الفترة الماضية ولحد مخرج النهاردة، ولكن الجهاز الطبي هيشتغل على الإصابات ونحاول إننا نراعي كل اللاعبين ونطمن على جاهزيتهم قبل الدفع بهم في المباريات
