اعملوا اللي بتحبوه باحترام.. أول تعليق من صاحبة تريند الأسكيت بالنقاب: بلعبه من 3 سنين ومش شايفاه حرام
أثار مقطع فيديو لفتاة منتقبة تدعى مريم، تفاعلًا واسعًا على مواقع التواصل الاجتماعي، بعدما ظهرت فيه وهي تمارس رياضة التزلج على الأسكيت بالنقاب.
أول تعليق من صاحبة تريند الأسكيت بالنقاب
وقالت مريم في تصريحات خاصة لـ القاهرة 24: أنا بلعب أسكيت بقالي 3 سنين، وكذا حد هاجمني عشان بلعب بالنقاب، بس أنا بلعب باحترامي، ومش بعمل حاجة تغضب ربنا، فمش شايفة إن اللي بعمله حرام.
وأضافت مريم: أنا بتجاهل كل الانتقادات لأني ببساطة بعمل حاجة بحبها، الإصرار هو اللي بيخليني أكمل، ومش بخلي كلام الناس يأثر فيا، موضحة أنها تمارس هوايتها منذ 3 سنوات، ولا ترى فيما تفعله أي مخالفة دينية أو مجتمعية.
وأكدت مريم أن الهدف من ظهورها لم يكن لفت الأنظار، بل توجيه رسالة للفتيات المنقبات، قائلة: كنت عايزة أوصل رسالة لكل واحدة منقبة إنها تقدر تعمل اللي بتحبه، النقاب مش هيبقى عائق، كل حاجة ممكن تتعمل باحترام.
واختتمت مريم حديثها قائلة: كل واحد يعمل اللي بيحبه، بس باحترام، لأن الاحترام هو اللي بيفرق مش اللبس ولا الشكل.
ولاقى الفيديو الذي نشرته مريم عبر مواقع التواصل تفاعلًا واسعًا بين مؤيد يرى أنها تمثل نموذجًا مشرفا للفتاة المحجبة والمنقبة التي تمارس هوايتها بحرية، ومعارض اعتبر أن ممارسة الرياضة في الأماكن العامة بالنقاب غير مناسبة.
