مبروك يا غزاوية.. محمد عطية يهنئ أهالي غزة بوقف إطلاق النار: العالم كله نظرته اتغيرت
احتفل الفنان محمد عطية بإعلان وقف إطلاق النار وإنهاء الحرب على قطاع غزة، معبِّرًا عن سعادته العارمة وقدم تهنئة حارة لأهالي القطاع، وذلك عامين من الدمار والتجويع، وسقوط الآلاف من الشهداء والمصابين.
محمد عطية يهنئ أهالي غزة بوقف إطلاق النار: العالم كله نظرته اتغيرت
وكتب عطية عبر خاصية الأستوري بموقع تبادل الصور والفيديوهات إنستجرام: الحرب وقفت.. ما فيش حاجة تعبر عن اللي جوا الواحد، الحمد لله أطفال غزة هيناموا في أمان، وأهلها هيرجعوا يعيشوا حياة طبيعية تاني.
وتابع: ربنا يعوض صبرهم وصمودهم خيرًا، ويرحم كل شهيد مات عشان ما يسيبش أرضه وكل بطل دافع عنها وقاوم، العالم كله نظرته اتغيرت للقضية، وده مكسب عظيم، لكن كان تمنه غالي.. ربنا يديم فرحتهم دايما، وما تنسوش إن المقاطعة مستمرة، لأن العدو هيفضل عدو ليوم الدين.. مبروك يا غزاوية.
تفاصيل اتخاذ محمد عطية إجراءات قانونية ضد المحرفين لتصريحاته
ومن جانب آخر، سبق وأعلن محمد عطية عن اتخاذه إجراءات قانونية ضد جميع الصفحات بمواقع التواصل الاجتماعي، التي تحرف تصريحاته.
وكتب محمد عطية، عبر حسابه بموقع فيس بوك: أنا عمري ما كنت بتضايق من الهزار أو القلش عليا من صفحات أو غيره لأن النكتة بالنسبالي نكتة في النهاية.. لكن فيه صفحات بتاخد كلامي وتحور فيه وتضيف ليه كلام من عندها على أساس أنه تصريح حقيقي على لساني مش نكتة أو هزار عشان تجيب ريتش وطبعا عشان الناس تدخل تشتم والبوست يتعمله شير.
وتابع محمد عطية: قررت إني مش هسيب حقي وهتخذ الإجراءات القانونية ضد النوع ده من التجاوز عشان الموضوع زاد عن حده وشكرًا.
