مريضة سرطان تستغيث بعد طردها من منزلها: أنا وعيالي في الشارع ومليش حد يقف جنبي
أطلقت سيدة استغاثة مؤثرة عبر مواقع التواصل الاجتماعي، بعد أن وجدت نفسها وأطفالها في الشارع إثر طردها من الشقة التي كانت تقيم بها، مؤكدة أن صاحبة العقار طالبتها بمبلغ مالي كبير تحت بند الخلو، وهو ما عجزت عن دفعه بسبب ظروفها المادية الصعبة.
سيدة مريضة بالسرطان تستغيث بعد طردها من منزلها
وقالت السيدة في مقطع الفيديو الذي انتشر على نطاق واسع: صاحبة الشقة طردتني وقالتلي عاوزة خلو، وأنا مش معايا فلوس، وماشية بستر ربنا، عندي 3 بنات، ومش لاقية مكان أروح له، أنا قاعدة في الشارع دلوقتي بعيالي، ومليش أهل أقعد عندهم.
وأضافت وهي تبكي بحرقة: أنا مكنتش عاوزة أعمل الفيديو ده، بس مليش حل تاني، عندي سرطان في المخ والنخاع الشوكي، المرض بياكل في جسمي ومش باخد كيماوي، مش عاوزة أنام في الشارع ومش لاقية حد يقف جنبي.
وسرعان ما تفاعل عدد كبير من مستخدمي مواقع التواصل الاجتماعي مع استغاثتها، معبرين عن تعاطفهم الشديد معها وطالبوا المسؤولين بسرعة التدخل لإنقاذها وتوفير مأوى لها ولأطفالها.
وجاءت أبرز التعليقات على الفيديو كالتالي: يا ريت يا جماعة نقف جنب الست دي، أنا مش عارفها بس كلامها يقطع القلب، بالله عليكم أي مسؤول يتبنى الحالة دي عشان خاطر سيدنا محمد صلى الله عليه وسلم.
وقال آخر: حبيبتي ما تسأليش غير ربنا، الناس دي عمرها ما هتحس بيكي ولا بأي حد متبهدل، ربنا يشفيكي ويفك كربك يا رب.
وطالب آخرون بضرورة تحرك الجهات المعنية لتقديم الدعم الإنساني والطبي للسيدة، مؤكدين أن حالتها الصحية والإنسانية تستدعي تدخلًا عاجلًا قبل أن تتفاقم معاناتها.
