وليد صلاح الدين: مبنصلحش العلاقة مع عبد القادر عشان ميروحش الزمالك.. وزيزو لا يُعامل بشكل استثنائي
كشف وليد صلاح الدين، مدير الكرة في النادي الأهلي، عن بعض الأمور الخاصة بالفريق الأول وأوضح بعض الأمور.
تصريحات وليد صلاح الدين
وقال وليد صلاح الدين، في تصريحات تليفزيونية: لست قلقًا من تواجد سيد عبد الحفيظ في الإدارة وصلاحياته المنتظرة، وأنا متعاون جدًا مع سيد عبد الحفيظ، وأنا وسيد عبد الحفيظ متفاهمين بشكل كبير جدًا وعلاقتي جيدة بيه.
وكشف عن حقيقة وجود مشكلة بينه وبين محمد يوسف، حيث أعلن أنه لم يهمّش محمد يوسف والثنائي متفاهم للغاية.
وأشار في تصريحاته: زيزو لا يُعامل بطريقة استثنائية في الأهلي، بل يتم معاملته كما باقِ اللاعبين، وهنستنى إمام عاشور يقوم بالسلامة ونتكلم معاه في حوار آدم وطني لأنها تشغل بال الناس.
وعن محمد شوقي، أكد: شخصية جميلة واستمتعت بالعمل معه في نادي زد، وسيكون مدربًا كبيرًا في المستقبل.
وشدّد وليد صلاح الدين في تصريحاته: الأهلي مبيصلحش العلاقة مع أحمد عبد القادر عشان ميروحش الزمالك أو بيراميدز، بل عشان إحنا عايزينه وهو عايزنا، وهنقدمله عرض ولو رفضه فـ هنشوف البديل وبعدها بقا اللي عايز يروح أي مكان يروحه.
وأتم: أنا بمشي على هوا المدير الفني، ولو إداني حرية إني أتكلم في الكرة هتكلم، لو محصلش فـ هلتزم بالقرار، ومهمتي هي تسهيل كل شيء لعناصر المنظومة وأسهّل الشغل.
