ماجد المصري: فخور بـ لقب صقر الدراما العربية.. ولازم نحترم عقل المُشاهد
علق الفنان ماجد المصري، على لقب صقر الدراما العربية الذي اقترن بـ اسمه، موضحًا أن هذا اللقب سيجعله يدقق في اختياراته مشددًا على احترام عقلية الجمهور.
وقال ماجد المصري، في ندوته بالقاهرة 24: أنا فخور أن لقب صقر الدراما العربية بقى مصاحب ليا، واللقب ده أكيد هيحتم عليا أني أكيد أبقى زي الصقر، يعني التركيز واختيار الأدوار لازم يبقى فعلا بـ عناية وتركيز وثقة وحاجات كتير، لأن ده في الأول والآخر احترام للمشاهد.
وتابع ماجد المصري: عمري ما هقبل في يوم من الأيام أني أستقل بعقلية المشاهد، لأن لولا المشاهدين والجمهور العريض مش هيبقى في فنان ده لو هو عبقري، لازم تعمل حساب الناس.
وأضاف ماجد المصري: في حاجات بتتعمل نوعيات، لأن البيوت حاجة والسينما حاجة، السينما أنت بتنزل تروحها والبيوت حاجة تانية خالص، لازم تستأذن وبشكل كويس وتحترم الصغير والكبير، والدليل على الكلام ده أن شخصية رجب الجريتلي بكل أخطائها والسلبيات اللي فيها اتحبت من أول 8 سنين لـ 80 سنة، كل المراحل العمرية دي فعلًا حبوا شخصية رجب الجريتلي.
مسلسل إش إش
وشارك ماجد المصري في موسم رمضان الماضي 2025، من خلال مسلسل إش إش، إخراج محمد سامي، وضم العمل كل من الفنانة مي عمر، محمد الشرنوبي، هالة صدقي، إيهاب فهمي، انتصار، دينا، شيماء سيف، إدوارد، وآخرين، والعمل من إخراج محمد سامي.
