والدة تلميذ حلوان تروي تفاصيل الاعتداء على نجلها بالمدرسة: رجعلي غرقان في دمه.. ووشه متخيط 10 غرز
كشفت والدة الطفل عبدالرحمن مجدي، التلميذ المصاب في واقعة مدرسة الشهيد أحمد فراج عبد الصبور الابتدائية بعين حلوان، عن تفاصيل صادمة عن إصابة ابنها داخل الفصل على يد زميله.
والدة تلميذ حلوان تروي تفاصيل الاعتداء على ابنها داخل المدرسة
وقالت والدة المجني عليه في تصريحاتها: كنت في البيت لما جالي تليفون من المدرسة بيقولو لي ابنك اتعور، روحت أجري لقيته غرقان في دمه ووشه متخيط قالو لي زميله ضربه بـ “كتر” جوه الفصل ابني اتخيط 10 غرز في وشه وإيده، والدكاترة قالوا إن الإصابة ممكن تسيب أثر طول عمره.
وأكدت الأم أن ابنها في حالة نفسية صعبة، وأضافت: الولد مش بينام من الخوف، كل شوية بيصرخ وبيقول مش عايز أروح المدرسة تاني أنا مش مصدقة إن ده حصل في مدرسة ابتدائي، جوه الفصل قدام العيال.
واستمعت جهات التحقيق إلى أقوال الطفل المجني عليه، الذي أكد أنه لم يتشاجر مع زميله من قبل، وأن الأخير طلّع كتر من الشنطة وضربه فجأة.
كما تم التحفظ على الطالب المتهم والاستماع إلى أقواله في حضور ولي أمره.
