عمرو أديب: ارحموا أهل غزة وبلاش فلسفة.. وبعدين ابقوا اعملوا الدولة اللي عاصمتها القدس
انتقد الإعلامي عمرو أديب، تفاعل قطاع كبير من مستخدمي مواقع التواصل مع القضية الفلسطينية بشكل غير واقعى وبه مغالاة، لافتا إلى أنه يكفيه الآن رؤية الفلسطينيين يأكلون ويشربون ولا يقتلون.
عمرو أديب: ارحموا أهل غزة وبلاش فلسفة
وأضاف أديب خلال تصريحات تليفزيونية، عبر برنامجه الحكاية: اللي قاعدين على فيس بوك وتويتر متقعدوش تقولوا عايزين حقوق الفلسطينيين، ارحموا من في غزة يرحمكم من في السماء، حقوق مين؟! أنا يكفينى إن الناس تاكل وتشرب ومتموتش، الحق في العيش والتنفس والتنقل قبل الحق في الأرض، بلاش فلسفة وبعدين ابقوا اعملوا الدولة اللي عاصمتها القدس، واللي يعرف يعمل يجي.
وأردف: آن الأوان للمواطن المصري يدي البلد الكريدت بتاعها، أنت على مدى عامين لم تتعرض لأي خطر، الجيش والقيادة بتاعتك حافظوا عليك ولم تأتِ إليك شظية رغم أنك في مرمى البصر، ولو كانوا هيزيودوا البنزين ازعل من حقك، بس إدي البلد الكريدت بتاعها.
وواصل: خليل الحية بعد ما كان ميعرفش يطلع بره بيته، وهو دلوقتي في شرم الشيخ في الهواء الطلق.
