ميرهان حسين: الناس عايزاني أرتبط أكثر من أمي.. ومش عايزة أتجوز لمجرد الجواز وأتطلق بسرعة
علقت الفنانة ميرهان حسين، على شائعات ارتباطها التي لاحقتها خلال الفترة الماضية، كاشفة المواصفات التي تتمنى وجودها في شريك حياتها المستقبلي، مؤكدة أنها تبحث عن الاستقرار وليس الزواج لمجرد الزواج فقط.
وقالت ميرهان حسين، في لقائها مع القاهرة 24: الناس عايزني أرتبط أكتر من أمي، ولو هدخل في علاقة أهم حاجة يكون راجل بمعنى الكلمة الموضوع مضحك من كتر ندرته، مش عايزة أكون بتجوز لمجرد الجواز فقط، لأني مش عايزة أتطلق بسرعة.
وأضافت ميرهان حسين: عايزة حاجة فيها استمرارية وأحس إني جبت شريك لـ حياتي في بينّا مساندة ودعم وتقبل ونعرف نختلف ومنتحولش مع المشاكل، عايزة حد يكون حقيقي شريك للحياة مش مجرد للزواج وخلاص.
كما كشفت ميرهان حسين، سر حفاظها على رشاقتها وخسارتها للوزن، قائلة: جت معايا بالصدفة لأني قعدت فترة بعد ما اشتغلت سنين كتير في أكتر من حاجة في وقت واحد، لما قعدت وهديت بقى عندي نظام أكتر واشتغلت على نفسي وبقيت بقلل أكلي أوي ومبقتش أتعشا ومبقتش أحب الأكل أصلًا، وده جاب معايا نتيجة على طول لأني مكنتش مليانة أوي فالكام كيلو فرقوا معايا أوي.
آخر أعمال ميرهان حسين
وعلى جانب آخر، بدأت الفنانة ميرهان حسين تصوير فيلم الحارس، بطولة هاني سلامة، وتأليف عمر عبد الحليم، وإخراج ياسر سامي، ويشارك في العمل كل من: مرام علي، وليد صلاح، محمود عمرو ياسين، أحمد الرافعي.
