رضا البحراوي في رسالة غامضة: لا ترد ولا تبرر.. غيرتهم وسام على صدرك
نشر الفنان الشعبي رضا البحراوي رسالة مؤثرة عبر حسابه الرسمي على موقع التواصل الاجتماعي فيس بوك، عبّر فيها عن رؤيته لظاهرة الغيرة والحقد التي يتعرض لها أي شخص ناجح، مؤكدًا أن هذه التصرفات ما هي إلا دليل على النجاح والتقدم.
وجاء في منشور البحراوي: ما تكرهش اللي بيغير منك، بالعكس… احترم غيرته، لأنه من غير ما يقصد بيقولك: أنا مش قادر أبقى زيك.، مضيفًا أن الاستهداف بالكلام والتشكيك أمر طبيعي يحدث لأي شخص يحقق نجاحًا حقيقيًا، ويواصل تطوير نفسه.
تصريحات رضا البحراوي
وأضاف: طول ما إنت ناجح، وواقف على رجلك، وبتتعب على نفسك، طبيعي جدًا يطلع ناس تحاول تقلل منك، أو تحاربك بالكلام، أو تشكك فيك وفي نيتك.
وأكد البحراوي أن مثل هذه المحاولات لا تدل على ضعف الشخص المُستهدف، وإنما على ضعف من يحاول الإساءة أو التقليل منه، قائلًا: ده مش ضعف منك، ده ضعف منهم هما. مش قادرين يوصلوا لمكانك، فأسهل عليهم إنهم يحاولوا يوقعوك.
ووجّه البحراوي نصيحة واضحة لمتابعيه، بعدم الالتفات لمثل هذه المحاولات، والتركيز فقط على الاستمرار في الطريق الصحيح، قائلًا: ولا ترد، ولا تبرر، ولا تديهم لحظة من وقتك. إنت أكبر من كده بكتير، وطريقك محتاج تركيز، مش توقف ترد على كل صوت بيحاول يشوّش عليك.
واختتم رسالته بتأكيده على أن الغيرة في حقيقتها شهادة ضمنية على التفوق، وأن ارتفاع صوت المنتقدين ما هو إلا دليل على التقدم: سيبهم يتكلموا، وإنت كمّل طريقك، لأن كل ما صوتهم يعلى، اعرف إنك بتسبقهم بخطوات أكتر. وساعتها هتفهم إن غيرتهم دي وسام على صدرك، مش حاجة تزعل منها.
