سميح ساويرس: أوزع ثروتي قبل وفاتي لأولادي.. و30% منها للأعمال الخيرية
أكد رجل الأعمال سميح ساويرس، أنه لم يعد يتدخل بشكل مباشر في إدارة محفظة استثماراته، موضحًا أن هناك مجموعة متخصصة من العائلة تتولى الإشراف على توظيف الأموال ومتابعة الأسهم والميزانيات، نظرًا لأن هذا النوع من العمل يحتاج وقتًا وتركيزًا كبيرين.
وقال ساويرس في لقاء لبرنامج الصورة: أنا بطبيعتي مش من النوع اللي يقعد في المكتب 6 أو 7 ساعات في اليوم يبص في ميزانيات وأسهم، ممكن تيجي لي فكرة أو اتنين في السنة أو حد يديني فكرة أستثمر فيها، لكن أنا حاليًا بأكتفي بالمشاركة في مشروعات ناشئة مع الشباب اللي عندهم أفكار جديدة.
وعن خروجه من قائمة فوربس لأغنى رجال الأعمال، قال ساويرس: أنا مش بزعل، بالعكس، اللي لسه شايف نفسه محتاج يزود ثروته يبقى جعان فلوس، أنا حاسس إن اللي عندي كفاية وزيادة.
وأضاف: الهمّ الأكبر عندي دلوقتي إننا نوزع الفلوس قبل ما نموت، أنا مش مؤمن إن الواحد يسيب فلوس بعده، حتى لو للخير، عشان كده خصصت 30% من ثروتي لمؤسسة ساويرس لتنفيذ مشروعات خدمية واجتماعية داخل مصر وخارجها.
وأوضح أن من بين المشروعات التي تساهم فيها المؤسسة دعم إنشاء مستشفى في رواندا من شأنه إنقاذ حياة أكثر من 2300 طفل سنويًا.
