صورنا الفيديوهات وإحنا متجوزين عرفي.. اعترافات أوتاكا طليق هدير عبد الرازق في اتهامه بنشر فيديوهات خادشة

كشفت التحقيقات الأولية في قضية اتهام البلوجر محمد أوتاكا طليق هدير عبد الرازق بتهمة نشر فيديوهات خادشة، أن المتهم كان يصور ويبث هذه المقاطع من داخل شقته، بهدف تحقيق مشاهدات عالية لزيادة نسبة الأرباح من منصات التواصل الاجتماعي، وبتفتيش منزله عثر بحوزته على مواد مخدرة كوكايين وحشيش، بقصد الإتجار.

اعترافات طليق هدير عبد الرازق

وحصل القاهرة 24 على نص التحقيقات في القضية التي حملت رقم 1927 لسنة 2025، وجاءت أقوال البلوجر محمد أوتاكا بسؤاله من الظاهر بتلك المقاطع المصورة ؟ أجاب: أنا وهدير محمد عبد الرازق.

س: ما هي صلتك بسالفة الذكر؟

ج: دي كانت مراتي عرفي.

س: هل تلك العلاقة الزوجية ما زالت قائمة؟

ج: لا إحنا اطلقنا في 30 ديسمبر 2024.

س: وما هي حالتك الاجتماعية الآن؟

ج: أنا أعزب.

س: هل لديك أبناء؟

ج: لا.

س: ما هو تاريخ زواجكما وما هي ظروف وملابسات عقد ذلك القران؟

ج: أنا كنت متجوزها عرفي لمدة 4 شهور في الفترة من سبتمبر 2024 حتى ديسمبر 2024 ومتجوزها عرفي عند محامي وكتبنا عقد عند المحامي.

س: ومتى تم تصوير تلك المقاطع المشار إليها؟

ج: فيه فيديوهين منهم اتصورورا في نفس اليوم في أول شهر ديسمبر 2024 وفيه فيديويوهين اتصوروا في يوم تاني في نفس الشهر.

س: ومن القائم على تصوير هذه المقاطع وكيف؟

ج: أنا صورت فيديوهين من دول بمعنى إن أنا اللي كنت ببقى ماسك التليفون وهي صورت اتنين بمعنى إن هي اللي كانت بتبقى ماسكه التليفون، لكنه التليفون اللي صوّرت بيه الفيديوهات كان تليفون هدير.

س: وهل تلك الفيديوهات مخزنة على أي من هاتفيك المضبوطين؟

ج: الفيديوهات دي هدير كانت بعتتهم ليا إير دروب على تليفوني الآيفون برو ماكس الممسوك معايا في نفس وقت تصويرهم، لكن أنا كنت مسحتهم في آخر شهر ديسمبر 2024.

س: وما سبب إزالتك لتلك المقاطع إذًا؟

ج: عشان كان حصل مشكله بيني وبينها وأنا كنت روحت عملت فيها محضر في قسم التجمع الخامس لأنها واخواتها وابن عمها كانوا خطفوني وابتزوني إنهم هينشروا الفيديوهات دي؛ فروحت عملت محضر وقلت فيه الكلام ده، وهي وقتها عملت لي نفس المحضر لكن اتصالحنا واتنازلنا عن المحضرين دول، واتفقنا إننا هنمسح الفيديوهات دي وبالفعل أنا مسحتهم من على تليفوني وهي قالت إنها مسحتهم.

تأجيل محاكمة البلوجر أوتاكا بتهمة نشر فيديوهات خادشة للحياء لجلسة الغد

بدء جلسة محاكمة البلوجر أوتاكا لاتهامه بنشر فيديوهات خادشة للحياء العام

س: وما هو مكان تصوير تلك المقاطع وسبب ذلك؟

ج: فيه واحد منهم متصور في شقتها اللي في مدينتي وفيه 3 متصورين عندي في شقتي اللي كان في أكتوبر، والفيديوهات دي إحنا صورناها بناء على رغبتها، وبناء على طلبها علشان هي بتحب العلاقة تكون كده.

س: هل تم نشر أي من تلك المقاطع بأي وسيلة؟

ج: لا وإحنا لما صورنا الفيديوهات دي كنا متجوزين عرفي.