شوبير بعد إنجاز منتخب المغرب: إحنا عندنا المواهب والإمكانيات لكن بنكسل
وجه الإعلامي أحمد شوبير رسالة إلى هاني أبو ريدة رئيس اتحاد الكرة، بعد إنجاز منتخب المغرب للشباب بالتأهل إلى نهائي كأس العالم تحت 20 عامًا، بعد إقصاء المنتخب الفرنسي من الدور نصف النهائي.
شوبير يوجه رسالة إلى أبو ريدة بعد إنجاز منتخب المغرب
قال شوبير في تصريحات إذاعية: الإنجاز المغربي رائع جدًا ولازم كلنا نستفيد منه، إحنا عندنا مشروع الهدف وملاعب للتدريب وبنعمل ورش ومحاضرات للمدربين مع خبراء.
وتابع: لكن في حاجات لازم نعملها لو عايزين نطلع بالكرة المصرية للأمام، لازم الملاعب تنضف وتكون جيدة وعلى أعلى مستوى علشان نقدر نطلع لاعبين جيدين، ويكون عندنا مسابقة ناشئين قوية.
وواصل شوبير موجهًا حديثه إلى أبو ريدة: ساعد اللاعبين إنهم يحترفوا من صغرهم ويكون عندنا عدد كبير من المحترفين، ويلعبوا مع المنتخب ونقدر ننجح بيهم ونزود عدد اللي موجودين لكن لازم يشاركوا ويكون ليهم دور مع المنتخب.
وشدد: لازم يكون فيه فريق محترف من الكشافة، ويتابع بشكل جيد بعيدًا عن الصحوبية والمجاملات، مشيرًا: إحنا عندنا المواهب والإمكانيات لكن عندنا الكسل وبنضيع فرص بالجملة إننا نكون موجودين على الساحة العالمية.
وأوضح: إحنا لما بنحقق نجاح مش بنكلمه وبنكافئ من لا يستحق وهذه سياسة عامة في الكرة تحتاج إلى تغيير، ربيع ياسين عندما تولى مسؤولية منتخب الشباب لف كل حتة في مصر وكون منتخب قدر يحقق معه كأس الأمم بعد الفوز على منتخبات قوية، وكان عندنا تجارب جيدة على مستوى منتخب الشباب والأول
واختتم شوبير تصريحاته: ربيع ياسين وحسن شحاتة حققا نجاحات مع منتخب الشباب لكننا مش بنكمل على نجاحنا.. ووجودهم كان اختراعي لكن التاريخ لا ينصفني أبدًا في هذه الأمور
