فيه حتت مش تمام.. تامر أمين يكشف موقفه من دخول ابنتيه المجال الفني
كشف الإعلامي تامر أمين، عن موقفه من دخول ابنتيه المجال الفني، موضحًا أنه من اختار أن يكون شخصية عامة عليه تحمل المسؤولية خاصة وأن الشهرة يترتب عليها العديد من القيود في الحركة والأفعال.
فيه حتت مش تمام.. تامر أمين يكشف موقفه من دخول ابنتيه المجال الفني
وقال تامر أمين، في تصريحات تليفزيونية، عن إبعاده لأسرته عن الأضواء: أنا رأيي طول الوقت أن كل واحد بيشيل شيلته، بمعنى إن أنا اللي مشهور وشخصية عامة، لكن زوجتي وبناتي مش شخصيات عامة، بالتالي أنا بس اللي أشيل شيلتي لأني عارف تبعات ومسؤوليات الشخصية العامة، قيد وضبط حركة وأفعال وكلام، فيها مسؤولية كبيرة جدًا مش لازم أحملها لهم.
وأضاف تامر أمين: أنا سايب لهم مطلق الحرية ويختاروا شكل الحياة اللي عايزينها، لو عايزين يدخلوا حياة الميديا يبقى قرارهم هما، مش علشان أنا شخصية عامة بالتالي هما كمان يبقوا مشهورين ونسلط عليهم الأضواء.
وعن موقفه من دخول ابنتيه المجال الفني، فعلق تامر أمين: مش هرفض لو بناتي حابين يدخلوا مجال الميديا سواء مذيعة أو مخرجة أو مصورة أو مونتاج، لكن الفن هنتكلم فيه شوية لأن له ضوابط وفيه حتت تمام وحتت مش تمام، علشان كده لازم نتكلم فيه، ولكن مجال الإعلام مجالي.
