شيرين دياب: عشت تجربة تحت الوصايا وهي قاسية جدًا.. وغيّرنا في القانون وده مش بيحصل كتير
أعربت المؤلفة شيرين دياب، عن سعادتها بـ نجاح مسلسل تحت الوصايا والذي غير قوانين الأم وكشف معاناتها بعد وفاة الزوج، مشيرة أيضًا إلى تجربتها القاسية التي مرت بها قبل خروج ذلك المشروع.
شيرين دياب: عشت تجربة تحت الوصايا وهي قاسية جدًا.. وغيرنا في القانون وده مش بيحصل كتير
وتحدثت شيرين دياب خلال لقائها مع القاهرة 24: مسلسل تحت الوصايا تجربة مختلفة بالنسبالي والأقرب لقلبي وفيه كتير من قصتي إني كنت أرملة في سن صغير ودي تجربة قاسية جدًا لأن مكنتش أعرف حاجة عن القانون المصري.. وعشت سنين أفكر ازاي أطلع ده في عمل مني لحد ما الشركة المنتجة رشحت ليهم الفكرة، وهما دعموها وغيرنا في القانون وده مش بيحصل كتير في المجتمع.
وتتعاون الكاتبة شيرين دياب مع النجم محمد رمضان في السينما من خلال فيلم "أسد" من إخراج محمد دياب، ويشاركها في التأليف كل من محمد دياب، وخالد دياب، وتصوير أحمد بشاري ومونتاج أحمد حافظ وديكور احمد فايز وتصميم الملابس ريم العدل ويتولى الموسيقى التصويرية للفيلم هشام نزيه، ويشارك في بطولة الفيلم محمد رمضان واللبنانية رزان جمال وعلى قاسم وماجد الكدواني، السودانية إسلام مبارك، أحمد داش، والفلسطيني كامل الباشا.
