حازم إمام: الزمالك كان في حاجة لفريق مثل ديكيداها لحصول اللاعبين على الثقة
تحدث حازم إمام نجم نادي الزمالك ومنتخب مصر السابق، عن أهمية مباراة الزمالك أمام منافسه ديكيداها الصومالي في ذهاب دور الـ32 من بطولة كأس الكونفدرالية الإفريقية.
تصريحات حازم إمام
وقال حازم إمام في تصريحات إذاعية: في الوقت ده الزمالك كان محتاج فرقة زي ديكيداها علشان يتمرن فيها، ماتش رسمي بطابع ودي تتمرن فيه وتشوف الدنيا فيها إيه، واللي مبيجبش أجوال يجيب علشان ياخد ثقة زي عمرو ناصر وأحمد شريف.
وأضاف حازم إمام في تصريحاته: كل اللاعيبة الجديدة اللي جابت أجوال ده هيديهم ثقة شوية ويحسسهم بالأمان، وساعات بتكون محتاج الماتشات دي علشان تفوقك.
واختتم حازم إمام: خوان بيزيرا لاعيب كبير وموهوب جدًا، ولو فايق هيفوق الزمالك واللاعيبة اللي حواليه.
وفي سياق متصل، يستأنف فريق الزمالك تدريباته اليوم الثلاثاء استعدادا لمواجهة فريق ديكيداها الصومالي يوم الجمعة المقبل في إياب دور الـ32 من الكونفدرالية الإفريقية بعد أن حصل الفريق على راحة لمدة يومين عقب الفوز في مباراة الذهاب بسداسية.
ويسعي المدرب البلجيكي يانيك فيريرا المدير الفني للفريق لتجهيز عدد كبير من اللاعبين البدلاء للمشاركة في لقاء الإياب خاصة بعد أن ضمن الفريق التأهل بسبب نتيجة لقاء الذهاب والتي انتهت بفوز الزمالك بسداسية نظيفة في اللقاء الذي جمع بين الفريقين يوم السبت الماضي على ستاد القاهرة.
