والدة صغير الإسماعيلية ضحية زميله: مش هتبرد ناري غير لما يتعدم
عبّرت مروة عثمان، والدة الطفل المجني عليه في القضية المعروفة إعلاميًا بـ جريمة المنشار بالإسماعيلية، عن حزنها العميق ووجعها لفقدان نجلها، مطالبة بالقصاص العادل من القاتل وكل من ساعده.
والدة صغير الإسماعيلية ضحية زميله: مش هتبرد ناري غير لما يتعدم
وكتبت الأم، عبر صفحتها الشخصية على موقع التواصل الاجتماعي فيسبوك، منشورًا مؤثرًا قالت فيه:
أنا عايزة المتهم يتعدم هو واللي ساعده، مش هعيط، ناري مش هتبرد غير لما يتعمل فيه زي ما عمل في ابني، أنا مش متخيلة إن محمد يعرف يأذي حد، محمد كان حنين وبيحب الناس ويساعد الكل، عمره ما زعل حد ولا كان في قلبه غل أو حقد.
وأضافت في كلماتها الموجعة: محمد كان بيعتبر زمايله إخواته، واللقمة كان بيقسمها معاهم، ولو لقى حد محتاج يجري يساعده، كان بيحب الخير، وكنت ببص له وأقول تربيتي. حسبي الله ونعم الوكيل، أنا عايزة حق ابني يا رب، ولو قعدت أحكي عنه عمري كله مش هيكفي
وقد لاقت كلمات والدة الطفل تفاعلًا واسعًا بين أبناء محافظة الإسماعيلية ومستخدمي مواقع التواصل الاجتماعي، الذين عبّروا عن تعاطفهم الشديد مع الأسرة، مطالبين بسرعة القصاص للضحية حتى يبرد قلب الأم وتتحقق العدالة
