أول تعليق من نحات تمثال السيسي: فخور باللي عملته.. ودي أقل حاجة نقدمها لرئيس مصر البطل | خاص
تصدر تمثال الرئيس السيسي الذهبي، تريند مواقع التواصل الاجتماعي، بعد كشف أفراد الجالية المصرية في أوروبا عنه خلال زيارة الرئيس السيسي لبروكسيل.
أول تعليق من نحات تمثال الرئيس السيسي
وقال المهندس سامح أبو زيد عضو اتحاد شباب مصر في الخارج، مصمم تمثال الرئيس السيسي في تصريحات خاصة لـ القاهرة 24: دي فكرة فرعونية وأقل حاجة نقدمها للرئيس السيسي خلال زيارته لبروكسيل.
وأضاف المهندس سامح أبو زيد: التمثال ده أقل حاجة نقدمها لرئيس مصر البطل، والفكرة جاتلنا من الفراعنة لأنهم كانوا بيعملوا تماثيل فرعونية للملوك زمان، ودي حاجة رمزية تعبر عن حبنا للرئيس والبلد دي.
وأكمل المهندس سامح أبو زيد: تمثال الرئيس السيسي مصنوع من ماء الذهب ومنحوت بتفاصيل دقيقة للغاية، والتمثال استغرق شهر في تنفيذه وكان عمل متواصل ليل نهار، التمثال وزنه 18 كيلو وطبعا استخدمنا مواد معينة في تصنيعه عشان يكون وزنه خفيف، وكنا محتارين في الآخر بالنسبة لاختيار اللون.
وواصل المهندس سامح أبو زيد: الناس فرحانة جدا بالفكرة دي لأنها مختلفة ومميزة، والرئيس السيسي اتبسط جدا لما شاف التمثال ودي أقل حاجة نقدمها للبلد، والمصريون في بروكسل كانوا فرحانين جدًا ودي فكرة مشاركة شبابية، وفخورين جدا بيها ونفسنا بلدنا تكون أفضل.
