أحمد عاطف قطة: محمد بركات سبب تسميتي.. ويورتشيتش قالي هتفوز معايا بكل البطولات في بيراميدز
تحدث أحمد عاطف قطة لاعب خط وسط الفريق الأول لكرة القدم بنادي بيراميدز، عن كواليس رحيله عن قطاع ناشئين النادي الأهلي، وتجاربه مع المقاولون العرب وزد، وسر تألقه مع المنتخب الأوليمبي، ورغبة يورتيشيتش في عودته للفريق.
تصريحات أحمد عاطف قطة
وقال أحمد عاطف قطة لاعب بيراميدز في تصريحات تليفزيونية، كنت في ناشئين الأهلي ولسه في مرحلة البراعم، وانا صغير كانوا بيقولولي يا بركات، في 2011 بركات كان عامل برنامج مقالب، والأغنية بتاعته كانت بتقول بركات جاب الضيف ودبح القطة ومن ساعتها زمايلي في الفرقه سموني قطة.
وأضاف قطة: بركات كان لعيب مرعب في ستايل لعبه وبطولاته، كان ذكي وفي لعبة واحدة يخطف ويخلص الماتش، كلامه معانا في الأولمبياد كان فارق كبير جدا.
وتابع قطة: رحلت عن الأهلي خلال دمج الفرق الزوجيه وانا كنت مواليد 2002 وهبقي من ضمن 8 اللاعبين اللي هيكملوا مع فريق 2001، كان ياسر رضوان المدير الفني اللي مشاني في وجود خالد بيبو رئيس قطاع الناشئين وقتها.. مضيت في قطاع بيراميدز قبل ما يقفل القيد بساعتين، وروحت لعبت مع فريق مواليد 1999، كسبت الأهلي 4\3 وجبت جونين في الموسم ده مع فريقي وكنت هداف بطولة الجمهورية.
وأكمل قطة: القلق الوحيد اللي كان شاغلنا قدام فريق أهلي جدة نخسر بسبب غلطة صغيرة، واحنا فريق مليان أسامي كبيره واتخضيت لما دخلت معاهم في بيراميدز.
وزاد قطة: لما روحت زد عملت موسم قوي مع كابتن مجدي عبد العاطي.. لعبت نهائي الكأس قدام بيراميدز وبعدها كان عندنا تمرين مع بيراميدز، يورتشيتش شدني في الممر بتاع الاستاد وقالي انا مستنيك، انا بحب طريقة لعبك وعاوزك معايا، وكمان شجعني كابتن جدو كان مدربي في المقاولون وراح بيراميدز ويورتشيتش قالي هتنافس معايا على كل البطولات، قولتله انا راجع من الأولمبياد وعاوز ألعب يا كابتن، رجعت بقي وسافرت مع الفرقه على تركيا في المعسكر، وهو فرح بتواجدي، يورتشيتش قالنا انا عارف ان فيه لعيبه بتضايق من عصيبتي على الخط بس انا بحاول افوقكم وأعوض عدم وجود جماهير في المدرجات.
وعن رحيل إبراهيم عادل، قال: السنة اللي فاتت كنت من أكتر اللعيبه اللي لعبت في وجوده، أول ما إبراهيم ما ما مشي قولت هيحصل تأثر كبير جدا، بس بجد الناحيه الشمال دي مرعبه أكتر بعد رحيل إبراهيم.
وأختتم تصريحاته قائلًا: في 2014 أول دوري لرمضان صبحي مع الأهلي كنت برميله الكور وأنا ناشئ في الأهلي، دلوقتي قولتله بعد 11 سنة أنا بلعب معاك في فرقة واحدة.
