محمد رمضان: بشرح لعائلتي إن كل حاجة ليها ضريبة ولازم نبقى مستعدين نفسيًا.. وفي الآخر إحنا اللي هننتصر
تحدث الفنان محمد رمضان، عن تعرضه للانتقاد بعد إعلان تعاونه مع لارا ترامب، زوجة نجل الرئيس الأمريكي، موضحًا أنه لا يلتفت للانتقادات، بجانب الحديث عن عائلته وتأثير هذه الانتقادات عليهم.
وقال محمد رمضان، في تصريحات تلفزيونية: مبردش على الانتقادات وعديت على موجات عالية وفي الآخر ربنا اسمه العدل ومبيرضاش بالظلم، ومبتأثر وساعات وبتحظ الشغف، ولما بتكون شايف مسافة عالية أعذر اللي عنده قصر نظر
وتابع محمد رمضان: أي ضريبة بتحب تدفعها لوحدك بعيد عن عائلتك، وبحاول أشرح لهم إننا في دنيا مش جنة، وإن كل حاجة لها ضريبة، ومستحيل الحياة تفسحلنا الطريق بالورود، فلو اخترنا مكان مميز لازم نكون قد اللي هنقابله ومستعدين نفسيًا.
وأضاف: في الآخر إحنا اللي هننتصر، لأن طمعنا مش في شخص، طمعنا في ربنا وفي النجاح، وما بنأذيش حد ولا بنسعى نأخد حاجة من جيب حد، فربنا والحياة نفسها هيساعدونا ويفسحولنا الطريق.
محمد رمضان: تقربت من عائلة الرئيس الأمريكي ترامب ولمست حبهم لمصر
وكان كشف الفنان محمد رمضان، تفاصيل تقربه من عائلة الرئيس الأمريكي دونالد ترامب، بعد تعاونه مع لارا ترامب زوجة نجل الرئيس الأمريكي، قائلًا: في نفس الوقت اللي صورت فيه الكليب مع لارا ترامب، حصل فيه مؤتمر شرم الشيخ للسلام ووجود الرئيس الأمريكي في مصر وكنت مبسوط أوي.
وواصل: لما قربت منهم بشكل شخصي ودخلت بيتهم وتعاملت مع العائلة بشكل مباشر، لمست مدى حبهم لينا كعرب ومدى حبهم لمصر.. فكنت سعيد جدًا لوقوف الحرب وانتشار السلام زي ما ربنا أمر.
