ياسر فرج: كنت مطلق مراتي ورجعتلها لما عرفت أن عندها كانسر
كشف ياسر فرج عن العديد من كواليس حياته الشخصية، ولماذا عاد مرة أخرى لزوجته بعد انفصالهما، وهذا من خلال حلوله ضيفًا على برنامج واحد من الناس الذي يقدمه الإعلامي عمرو الليثي.
ياسر فرج يكشف عن سبب عودته لزوجته بعد الطلاق
وقال ياسر فرج: أنا كنت مطلق مراتي قبل أن تكون مريضة، ورجعنا لبعض لما عرفت موضوع مرضها، بس أنا عمري ما قولت الكلام ده.
وأضاف: احنا كنا منفصلين في الفترة دي بقالنا حوالي 3 سنين، وبعدها سافرت بعد ما خلصت تصوير مسلسل أفراح إبليس، وكنت عند أخويا في السويد وقعدت معاه 3 أو4 شهور لحد ما أستأنف الشغل تاني، وأنا هناك احنا كنا منفصلين بس علاقتنا كانت كويسة جدا، وبتواصل معاها باستمرار ومع الولاد، وشايف كل التزامتهم، وأنا مسافر هي تعبت وقعدت شهر بتلف على الدكاترة والمستشفيات، وعرفنا إنه كانسر، وأول ما عرفت نزلت فورًا وتواجدت معاهم فى البيت ورحعنا تاني لبعض.
واستكمل قائلًا: كان هناك بعض المحاولات قبل ما يحصل المرض بس زي ما تقول النفوس كانت شايلة شوية فا مكنتش واخد قرار في الخطوة دي يعني، بس أول ما حصل الظرف ده تواصلت معاها ومع أخوها الكبير لأن والدها متوفي، وقولتله أنا راجع على البيت وهبقى موجود معاهم ومحصلش خلاف في النقطة دي خالص، وبمجرد ما رجعنا ابتدينا نتحرك في إجراءات العلاج، طبعًا مشوار مكنش سـهل.
