محمد سامي: بتضايق من الانتقادات اللي بتتوجه لريم أختي.. وخوفت الناس تشوفني غلس بسبب الغرور
تحدث المخرج محمد سامي عن موقفه من الانتقادات التي وُجهت لزوجته الفنانة مي عمر، موضحًا أنه لم يعد ينزعج منها، بجانب حديثه عن الهجوم الذي تعرضت له شقيقته ريم سامي خلال مشاركتها في مسلسل البرنس.
محمد سامي: بتضايق من الانتقادات اللي بتتوجه لريم أختي.. وخوفت الناس تشوفني غلس بسبب الغرور
وقال سامي خلال لقائه مع الإعلامية لميس الحديدي في برنامج الصورة: أنا مبقتش بتضايق من انتقاد مي عمر، لكن اللي ضايقني الانتقادات اللي اتوجهت لأختي ريم سامي في مسلسل البرنس، كانت عاملة أداء حلو، وأنا مكنتش جايبها مكان دور نور اللبنانية مثلًا.
وأضاف سامي: مي اشتغلت كتير برة، ووقت ما عملت معايا مسلسل الأسطورة كانت بتصور مسلسل تاني مع أمير كرارة، وبعدها مسلسل مع عادل إمام، وريّح المدام وغيرهم.
وتابع: لو مي مش مراتي وإحنا في علاقة بس مش جواز، هل كان حد يجرؤ يكتب عننا حاجة؟ محدش كان هيقدر.
كما كشف محمد سامي عن موقف شخصي أثر عليه قائلًا: اتفرجت على مقابلة لشخص مغرور واتضايقت جدًا منه، وقولت هل الناس ممكن تكون شايفاني غلس كده؟ قفلت تليفوني وبعدت عن الحياة.
واختتم محمد سامي حديثه عن تغيير بعض الأمور في أعماله المقبلة: بوعد إن البلطجة مش هتكون موجودة تاني، وقدر المستطاع هاخد بالي من وجهة النظر دي، لأن أمي أكتر حد عنده تحفظ على ده وبتتخانق معايا.
