كريم فهمي: جالي جلطتين في الرئة.. وتعرّضت للتنمر في طفولتي
كشف الفنان كريم فهمي عن واحدة من أصعب الفترات التي مر بها في حياته، موضحًا أنه تعرض لأزمة صحية خطيرة بعدما أصيب بجلطتين في الرئة بشكل مفاجئ، بجانب حديثه عن تعرضه للتنمر في طفولته.
كريم فهمي: جالي جلطتين في الرئة.. وتعرّضت للتنمر في طفولتي
وقال كريم فهمي خلال تصريحات نليفزيونية:من أكثر الصعوبات اللي عدت علينا فترة لما جالي جلطتين في الرئة فجأة، وكل ما بتكبر بتكتشف إن الصراعات ملهاش لازمة، وإن الناس ملهيين في حاجات تافهة.
كما تحدث الفنان عن بعض المواقف التي أثرت فيه منذ طفولته، مؤكدًا أنه كان طفلًا طيبًا وحساسًا فقال: كنت طفل طيب، وعمري ما أنسى لما في حصة الرسم المدرسة قالت قدام زمايلي إن رسمتي وحشة، الموقف دا أثر فيّ جدًا، كنت دايمًا بحس إن محدش فاهمني، وإنّي غريب عن العالم دا، ولما كان حد يتنمر عليا، كنت بحس إن أنا اللي صح.
ومن جانب آخر، سبق ونفى كريم فهمي ما تم تداوله مؤخرا عبر مواقع التواصل الاجتماعي وبعض المنصات الإخبارية بشأن اعتذاره عن بطولة مسلسل جديد يجمعه بالنجمة ياسمين عبد العزيز، والمقرر عرضه في رمضان 2026، مؤكدا أن ما يقال لا يمت للحقيقة بصلة.
و قال كريم فهمي في تصريحات لـ ET بالعربي: بصراحة مش عارف الناس دي بتجيب الأخبار دي منين! أنا وياسمين أصدقاء جدا، وبحبها على المستوى الفني والشخصي، وبتمنى أشتغل معاها مرة واتنين و10 كمان، ومفيش حد فينا هيتردد إننا نشتغل مع بعض لو لاقينا مشروع حلو يجمعنا.
