وزارة الأوقاف للمواطنين قبل افتتاح المتحف المصري الكبير: السائح اللي بيزور مصر مش جاي علشان نستغله ونعامله بجفاء
دين وفتوى
المتحف المصر الكبير
وجهت وزارة الأوقاف عدة رسائل مهمة للمواطنين، عبر صفحتها الرسمية على فيس بوك، وذلك قبيل افتتاح المتحف المصري الكبير والذي من المقرر له أن يكون يوم السبت 1 نوفمبر 2025.
وقالت الأوقاف في منشور لها: لما حد ييجي بلدك بيكون ضيف والضيف له مكانة.. له احترام.. وله واجب الكرم
السائح اللي بيزور مصر مش جاي علشان نعامله بجفاء أو نستغله، ده جاي علشان يشوف بلد عظيمة بلد حضارة، وتاريخ، وأخلاق.
الأوقاف توجه رسالة للمواطنين قبل افتتاح المتحف المصري الكبير
وأضافت وزارة الأوقاف: تخيل لو كل سائح رجع بلده وهو شايل في قلبه صورة جميلة عن مصر، هيحكي عنها بحب، وهيرجع تاني، وهيجيب معاه ناس كمان، وساعتها بلدنا مصر تكبر أكتر في عيون العالم، احترامك للسائح مش مجرد تصرف راقي ده في الحقيقة دعاية حقيقية لبلدك بابتسامة، بكلمة طيبة، بمساعدة بسيطة افتكر دايمًا: تصرفك مع السائح مش بيعبر عنك لوحدك ده بيعبر عننا كلنا.
