أحفاد الفراعنة.. عامل نظافة يرفع علم إحدى الدول ويتصدر التريند: لقيته واقع على الأرض وبعكس تحضر بلدي
تصدر مقطع فيديو لعامل نظافة، تريند منصات التواصل الاجتماعي خلال الساعات القليلة الماضية، حيث ظهر عامل يدعى عم شريف، قام برفع علم دولة ألبانيا من على الأرض، بأحد الطرق المؤدية إلى المتحف المصري الكبير، بعد أن سقط بسبب الهواء، وبسؤال أحد المارة له تحدث عن ضرورة التحضر وحسن استقبال رؤساء الدول الذين سيحضرون افتتاح المتحف المصري الكبير.
عامل نظافة يرفع علم ألبانيا ويتصدر التريند
وقال عم شريف، عامل النظافة الذي تصدر التريند بسبب رفع علم ألبانيا، في مقطع فيديو، العلم ده بتاع دولة معرفهاش أنهي دولة، لقيته واقع على الأرض، قولت أعلقه تاني مكانه، ميصحش إن أي دولة تلاقي العلم بتاعها واقع في الأرض، يبقى البلد كده مفيهاش تحضر خالص.
وأضاف عم شريف، عامل النظافة الذي تصدر التريند بسبب رفع علم ألبانيا، إحنا لما نعمل كده نبقى متحضرين، وكده بنظهر لأي دولة إننا محترمين أي علم وأي دولة، سواء أجنبية أو عربية، وأي رئيس دولة لقى الأعلام كلها متعلقة وملقاش علم دولته هيبقى ‘يه الموقف هنا، لازم أي رئيس دولة هيعدي من النفق باتجاه المطار يلاقي علمه موجود.. مصر بلد الأمن والأمان.
واستكمل، أنا عامل نظافة ونحمد الله على أي حال، بحب مصر ولو مش بحبها مكنتش عملت كده.. مصر دي بلدي، عندي 5 بنات، أصغر واحدة فيهم عندها 16 سنة، مش محتاج غير ستر ربنا فوق كل شئ.
