أول تعليق من مصور فيديو عمال المتحف الكبير: المقطع أصبح دليلًا على أن المصريين هم بُناة المتحف | خاص
تصدر مقطع فيديو نشر عبر منصات التواصل الاجتماعي، التريند خلال الساعات القليلة الماضية، إذ ظهر في الفيديو آلاف العمال والمهندسين والفنيين المصريين داخل المتحف المصري الكبير، خلال المراحل النهائية من تجهيز المتحف، وكانوا يهتفون ويهللون تعبيرًا منهم على فرحتهم بانتهاء المشروع، وحقق الفيديو ملايين المشاهدات حتى إن المشاهير والفنانون شاركه عبر صفحاتهم، في إشادة منهم بدور العمال المصريين في بناء المتحف المصري الكبير، وذلك قبل ساعات من افتتاحه.
أول تعليق من مصور فيديو عمال المتحف الكبير
وروى فارس كمال، مسؤول الموارد البشرية بالشركة المنفذة والمشرفة على بناء المتحف المصري الكبير، ومصور فيديو العمال داخل المتحف المصري الكبير، كواليس تصوير الفيديو، قائلًا في تصريحات خاصة لـ القاهرة 24: مكنتش أتخيل إن الفيديو يكون تريند، ولكن كل العالم شافوا وبيتكلم عنه، وعن دور العمال والمهندسين المصريين في بناء وتجهيز المتحف المصري، وإحنا كنا حاطين في دماغنا وإحنا شغالين إننا في مهمة وطنية، وإحنا بنشتغل في مشروع المتحف المصري الكبير عشان خاطر بلدنا، وكنت حاسس إنه مشرع والدي وكل الناس اللي اشتغلت معايا كان عندهم نفس الإحساس.
وأضاف: بحكم طبيعة شغلي كل عامل أشتغل في المشروع كان لازم يعدي عليا الأول، وفعلًا طلعوا قد المسؤولية، وأنا بحب كل العمال والمهندسين اللي اشتغلوا معايا، وكل الناس اللي اشتغلت على المشروع دا التزموا بكل التعليمات والمواعيد، ووقت تصوير الفيديو كنا مجتمعين ولابسين الزيي، قولت أصور الفيديو للذكرى.
واستكمل: مكنتش متوقع كل التفاعل دا من المصريين على السوشيال ميديا، ولكن الفيديو أصبح تريند، ودي شهادة تقدير أعتز بها، وفخور بكوني مصري، وبشكر الرئيس عبد الفتاح السيسي على استكمال المشروع، والفيديو اللي ظهر فيه العمال داخل المشروع، أصبح علامة ودليل على إن اللي بنى وأسس وجهز المتحف المصري، هما العمال والمهندسين المصريين.
