تجديد حبس المتهمين بإلقاء شخص من أعلى عقار بالسلام 15 يومًا على ذمة التحقيقات
قرر قاضي المعارضات بالقاهرة تجديد حبس المتهم بقتل شاب بمدينة السلام بالقاهرة، 15 يومًا على ذمة التحقيقات.
جريمة قتل شاب في السلام
وفي وقت سابق، روت زوجة الشاب صلاح إبراهيم، ضحية واقعة القتل بمنطقة السلام، تفاصيل صادمة عن الجريمة التي راح ضحيتها زوجها بعد تعرضه للضرب المبرح ثم إلقائه من الطابق الخامس، قائلة: أنا عايزة حق جوزي اللي موتوه ورموه من فوق السطوح.
وقالت الزوجة في بث مباشر لـ القاهرة 24، إن زوجها كان قد اشترى سيارة من أحد المتهمين بنظام القسط، وبدأ في سداد الدفعات الشهرية، لكن بعد أول دفعة بنحو 15 يومًا اتصل به المتهم وطلب استرجاع السيارة، قائلًا إنه سيعتبر المبلغ المدفوع إيجارًا.
وأضافت: زوجي رفض وقال له المبلغ ده تمن العربية مش إيجار، واللي بينا قانون، فالمتهم قاله أنا هعرف أجيب حقي.
واختتمت الزوجة: بعد المكالمة بـ 3 أيام جه لحد باب البيت الساعة 7 الصبح، وقال له تعال نتفاهم، وفعلًا نزل معاه، وكان معاه اتنين تاني، شالوه وحطوه في توك توك وراحوا بيه على بيت المتهم في منطقة السلام فوق السطوح.
