المتهم وصفلي مراتي وقالي أطلقها عشان مش عايزاني.. ننشر أقوال والد ضحايا جريمة فيصل| خاص
يستكمل القاهرة 24 نشر التحقيقات في واقعة مقتل 3 صغار ووالدتهم بمنطقة اللبيني فيصل، في القضية المعروفة إعلاميًا، بـ جريمة اللبيني.
أقوال والد ضحايا جريمة فيصل
وجاءت أقوال والد الضحايا أمام جهات التحقيق بسؤاله كالآتي:
س: من الشخص الذي هاتفك وأخبرك بوقائع خيانة زوجتك لك؟
ج: هو رقم غريب وأنا معرفش مين دا.
س: متى هاتفك ذلك الشخص؟
ج كلمني يوم 2025 /9/10 وهو كلمني اليوم دا بس ومتكلمناش تاني بعديها وأنا حاولت أكلمه كتير بعدها بس موبايله مغلق.
س: وما مضمون الحوار الذي دار بينك وبين ذلك الشخص بذلك الاتصال الهاتفي؟
ج: هو قالي مواصفات عن مراتي أنا معرفش هو عرفها ازاي وقالي إنى أطلقها عشان هي مش عايزاني.
س: وهل تلك المعلومات صحيحة وخاصة بزوجتك؟
ج: أيوة كل المعلومات دى صحيحة ودا جنني عشان أنا أصلًا مراتي منتقبة.
س: وما أثر ذلك الاتصال الهاتفي عليك؟
ج: أنا ساعتها اتجننت وابتديت أشك إن فيه راجل تاني في حياتها وروحت كلمت أخوها وعملت محضر في شرطة الاتصالات.
س وهل واجهت زوجتك بذلك الاتصال الهاتفي؟
ج أبوة وواجهت أخوها إسلام كمان قبل ما أواجه مراتي.
