شيكابالا: أي مشكلة بتحصل في الزمالك بيقولوا ده شيكا.. أنا بطلت كورة خلاص

حرص محمود عبد الرازق شيكابالا قائد نادي الزمالك السابق على التعليق بشأن ارتباطه بالأزمات داخل النادي خلال الفترة الماضية.

باكيًا.. بيزيرا يغادر مباراة الزمالك وطلائع الجيش للإصابة وشكوك حول مشاركته بالسوبر

الزمالك يحتفي بالافتتاح العالمي للمتحف المصري الكبير

تصريحات محمود عبد الرازق شيكابالا 

وقال شيكابالا في تصريحات عبر قناة MBC مصر: أي مشكلة بتحصل في الزمالك بيقولوا ده شيكا، لا شيكا بطل كورة خلاص.

وأكمل: جمهور الزمالك مفيش حد بيعرف يمشيه، ولا إدارة ولا لاعب ولا أي حد، أنا عايز مصلحة النادي.

واختتم تصريحاته قائلا: لما بتكلم ببقى عايز أشوف الزمالك أفضل حاجة، وإن الأمور تكون مستقرة. 

وفي السياق ذاته، كشف شيكابالا في وقت سابق عن كواليس اعتزاله الكرة، قائلًا: شعرت إن ده الوقت المناسب، وكان قرار صعب وفكرت فيه كويس أوي، وبضحك على الناس اللي بتقول إن شيكا اعتزل غصب عنه، ومحدش يقدر في نادي الزمالك يقولي اعتزل مع احترامي لأي حد.

وأضاف لاعب الزمالك السابق: عقدي كان مستمرا لموسم آخر ولكن قررت الاعتزال، وكنت عارف إن أي إخفاق في الفريق هيقولوا إن شيكا السبب.

واختتم شيكابالا تصريحاته قائلا: آخر ضربة جزاء ليا أمام بيراميدز كانت رقم 10 وأنا بلبس رقم 10، وحسيت إنها إشارة من ربنا باعتزال كرة القدم.