ريهام أيمن: غبت سنين عن الفن عشان أربي ولادي.. وتصوير ساعات طويلة مش مناسب ليا
تحدثت الفنانة ريهام أيمن عن غيابها الفني لعدد كبير من السنوات، وتفرغها لتربية أولادها بشكل تام، مشيرةً إلى أنها تقضّل مباشرة تربيتهم ولا تستعين بمربية.
وقالت ريهام أيمن خلال لقائها مع القاهرة 24: أنا كنت غايبة السنين دي كلها عشان بحب أباشر تربية ولادي بنفسي، فيه أمهات بيجيبوا مربية لولادهم، بس أنا مش بحب أعمل كدة وكل أم براحتها.
وتابعت ريهام أيمن: ولادي خلاص كبروا وشوية شوية هرجع تاني للفن، ومش شريف جوزي اللي كان مقعدني خالص، أنا اللي كنت مختارة ده بإرادتي لأن مينفعش شغلنا مع تربية الولاد، لأنه بياخد عدد ساعات طويلة جدا.
أعمال ريهام أيمن
وعلى جانب أعمال ريهام أيمن، يذكر أن مسلسل العراف هو آخر أعمالها، الذي عرض في عام 2013، بطولة الفنان عادل إمام، حسين فهمي، شيرين، طلعت زكريا، أحمد فلوكس، رشا مهدي، مجدي بدر، وآخرين، والعمل من إخراج رامي إمام.
وقبله، قدمت ريهام أيمن فيلم قلب الأسد، بطولة الفنان محمد رمضان، والذي ضم كل من الفنان حسن حسني، حورية فرغلي، عفاف رشاد، أحمد جمال سعيد، الراحل ماهر عصام، حمدي هيكل، وآخرين، والعمل من إخراج كريم السبكي.
