مجدي كامل عن تكريمه في الفضاءات غير التقليدية: أنا أصغر من كده.. ومها أحمد سندي 30 سنة جواز
أعرب الفنان مجدي كامل عن سعادته البالغة، بتكريم اسمه في مهرجان الفضاءات غير التقليدية، واصفًا الأمر بأنه خطوة كبيرة ومميزة في مسيرته الفنية، كما تطرق للحديث عن سبب غيابه عن الساحة الفنية.
مجدي كامل عن تكريمه في الفضاءات غير التقليدية: أنا أصغر من كده
وقال مجدي كامل خلال لقائه مع القاهرة 24: أنا بشكر كل القائمين على الدورة، ودي حاجة كبيرة جدًا إن الدورة تكون باسمي، أنا أصغر من كده، بس هم قدّروني بعد 37 سنة بشتغل هنا.
كما تطرق للحديث عن سبب ابتعاده عن الساحة الفنية في أغلب الأحيان، قائلا: أحيانًا أغيب وده بسبب إني مش بحب أعمل أي حاجة وخلاص، وإن شاء الله تشوفوني في رمضان 2026.
ووجه رسالة شكر لزوجته الفنانة مها أحمد: أنتِ الحياة، أنا بشكرك على الـ30 سنة جواز، أنتِ تعبتِ معايا كتير، وأسف على كل حاجة وأنتِ السند.
مها أحمد: بتشرف إن مجدي كامل زوجي
ومن جانب آخر، سبق وتحدثت مها أحمد عن زوجها الفنان مجدي كامل، مؤكدة تأثيره الإيجابي عليها، واصفة إياه بأنه مثال للالتزام والوفاء، ودائم الدعم والمساندة لكل من حوله.
وقالت خلال لقائها مع القاهرة 24: هو ممثل جامد أوي، وأنا اتعلمت منه حاجات كتير، أولها الالتزام، وأنه بيقف جنب الكل ومبيسبش حد، لو قابلت طالب من طلابه بالصدفة في المعهد، بيقولوا إنهم بيعشقوه، ودي مهمة المعلم إن الطالب يحبه.
