علي ماهر عقب الخسارة من الأهلي: مش عايز أتكلم عن التحكيم لأني لو اتكلمت هتوقف
تحدث علي ماهر المدير الفني لفريق سيراميكا كليوباترا في المؤتمر الصحفي عقب الخسارة من الأهلي في نصف نهائي السوبر المصري بنتيجة 2-1 وتوديع المسابقة.
تصريحات علي ماهر
وقال علي ماهر: اللاعبون قدموا مباراة جيدة وأشكرهم على المجهود الذي بُذل، واستطعنا التعادل وكنا نستطيع الفوز ولكن الحمد لله التوفيق لم يكن معنا في بعض الفرص، وسنطوي صفحة المباراة ونستعد للمباراة المقبلة.
وتعليقًا على لقطة ياسين مرعي في نهاية المباراة، أضاف علي ماهر قائلًا: أتمنى إن كل فريق يأخذ حقه، وأن تكون هناك عدالة، وعمري ما بعلق على أي حاجة ولكن مهم أحس إن فيه عدالة وأخد حقي بسبب تعبي ومجهودي اللي ببذله، والكرة مكنتش محتاجة مراجعة من الفيديو، لا تعليق أصل الكرة مش محتاجة أي حاجة، ومش محتاجة كلام، ومش عايز أتكلم لأني لو اتكلمت هتوقف.
وأفاد: لازم على طول أفوّق اللاعبين وطول الوقت أفهمهم إن المباراة أمام الأهلي مهمة لأنه فريق كبير والمباريات تُحسَم بتفاصيل صغيرة ولازم على طول أبقا مع اللاعبين مفيش حاجة تعدّي.
وأشار علي ماهر في تصريحاته: كريم نيدفيد من اللاعبين المهمين، وهناك تعليمان كان يأخذها أول بـ أول، والضغط مهم ولازم طول الوقت اللاعب يشعر بالمدرب عشان لو شعر إن المدرب مش واخد باله من حاجة هيسرح.
وأتم: عارفين إن زيزو هو اللي بيلعب كل كرات الأهلي الثابتة، لذلك تمرننا عليها وكيف سيلعبها.
