سمسم شهاب يناشد مصطفى كامل لعلاج المصابين من فرقة إسماعيل الليثي: ظروفهم صعبة
ناشد الفنان سمسم شهاب، نقيب المهن الموسيقية الفنان مصطفى كامل، بتقديم الدعم والمساعدة لعلاج موسيقيين من فرقة إسماعيل الليثي الذين أصيبوا في حادث، موضحًا أن ظروفهم صعبة وأن لديهم أسرًا والتزامات.
وقال سمسم شهاب في فيديو عبر حسابه الشخصي بموقع فيس بوك: فيه موسيقيين من فرقة إسماعيل الليثي محتاجين علاج، وأتمنى من مصطفى كامل أن ينظر إليهم بعين الرحمة ويساعد في توفير العلاج لهم.
وفاة إسماعيل الليثي
وكان شيّع جثمان إسماعيل الليثي أمس من محل سكنه في إمبابة، حيث أقيمت الجنازة بمسجد ناصر، ليتم بعدها دفنه بمقابر الأسرة، وقررت أسرة المطرب الشعبي الراحل إسماعيل الليثي، تأجيل عزائه الذي كان من المقرر أن يُقام أمس الثلاثاء عقب صلاة المغرب مباشرة، بمنطقة إمبابة.
ومن المقرر أن يٌقام عزاء إسماعيل الليثي، اليوم الأربعاء بـ ميدان النفق في منطقة إمبابة عقب صلاة المغرب مباشرة.
تصريحات سمسم شهاب
وسبق وأن تحدث المطرب سمسم شهاب، عن زوجته الراحلة ودخل في نوبة بكاء، خلال ندوته بـ القاهرة 24، قائلًا: بقول لها وحشتيني جدا والدنيا من غيرك وحشة خالص، وكل حاجة ما بقاش ليها طعم، واللي بيخليني أعافر علشان ولادنا لأني عاوز أكون موجود في وسطيهم علشان بعد ربنا أكون سند ليهم، وباجي ليكي على طول أنا والولاد كل ما توحشينا واللي مطمني أنها في حتة كويسة.
وأضاف: فترة مرض زوجتي كانت صعبة جدًا، ولما بدأنا نعرف طبيعة المرض حالتنا كلنا في البيت اتغيرت 360 درجة والبيت اتطفى، لأنها كانت نوارة البيت وهي كل حاجة فطبعًا أثرت علينا وعلى الولاد وكلنا وقفنا معاها ورغم اللي أنا عملته حاسس أني مقصر، لأن هي تستاهل كتير أوي بس ما كانش بإيدي حاجة أعملها وأنا كان عندي أمل حتى لما دخلت العناية المركزة والدكاترة قالوا مفيش أمل، ولكن ده قضاء ربنا وإحنا راضيين.
