مواطن يشكو من توكيل سكودا: مشيت بالعربية 150 كيلو مترًا فقط والبطارية باظت بعد 9 شهور

اشتكى أحد المواطنين على موقع التواصل الاجتماعي فيس بوك من توكيل شركة سكودا، بعد سوء تعامل التوكيل مع عطل في سيارته سكودا كودياك.

وقال في منشور له على صفحته في فيس بوك: العربية دي سكودا كوديك 2025 اشترتها من شهر9 عاملة الآن 150 كيلو مترًا فقط  جاي ادورها ما دارتش.

وتابع: روحت التوكيل عرفت إن البطارية بايظة، قالوا طيب ما تمشي بيها ألف كيلو وبعدين نغير البطارية!!

 قولت لهم امشي بيها ازاي والبطارية بايظة؟!

 قالي أصل ده سوء تخزين من المعرض!!

 قولت لهم وأنا مالي ده مش ذنبي، كلمت خدمة العملاء وعملت كل حاجة وسايب العربية عندهم.

  قالولي لو توافق إنها تتغير في الضمان، اصبر بقي شهر أو شهرين لحد ما نجبلك بطارية.

وختم نصيحته قائلًا: ما تتعاملش مع التوكيل ولو بتفكر في العربية ما تجبهاش إلا لما يكون معاها وكيل محترم بيحترم عملائه.