صديق إسماعيل الليثي يكذّب سعد الصغير: الراحل مكنش مديون ومحدش بيلم له فلوس.. دي عربية أكل عيش وحق صاحبها يطلب ثمنها
علق أحد الأصدقاء المقربين من المطرب الشعبي الراحل إسماعيل الليثي، على تصريحات المطرب الشعبي سعد الصغير، بـ جمع عدد من النجوم وأصدقاء الراحل، مبالغ مالية لسداد ديون إسماعيل بعد وفاته.
وقال صديق إسماعيل الليثي، في لايف عبر القاهرة 24: مفيش أي حاجة من اللي قالها سعد الصغير صح، كله كذب، وإسماعيل الليثي مكنش مديون، وصاحب العربية اللي إسماعيل عمل حادثة بيها بيطالب بثمنها وده حقه.
سعد الصغير: كل أصحاب إسماعيل الليثي قالوا هنجمع فلوس ومحدش عمل حاجة
وكان تحدث الفنان سعد الصغير، عن تجميع أصدقاء الراحل إسماعيل الليثي، مبالغ مالية لسداد ديونه بعد وفاته على حد تعبيره، حيث قال في تصريحات تلفزيونية: الناس دلوقتي بتقول هنعمل خير لـ إسماعيل الليثي وده نفس اللي حصل بعد وفاة أحمد عامر، كل أصحابه قالوا هنجمع فلوس من بعض ونعمله خير وبعد كده محدش عمل حاجة، ولا حتى أنا علشان احنا بتوع كلام فقط.
وفاة إسماعيل الليثي
ومن جانب آخر، سبق وعلم القاهرة 24 أن أسرة الفنان الراحل إسماعيل الليثي قررت إخفاء خبر وفاته عن والدته منذ وقوع الحادث المأساوي وحتى قبل ساعات قليلة من تشييع الجثمان، حيث كشف مصدر أن السبب وراء تأجيل إبلاغها بالخبر هو أن والدة إسماعيل الليثي مصابة بجلطة، وكانت حالتها الصحية لا تسمح بتلقي الصدمة المفاجئة.
