قلت لازم أقدم تحية شكر لـ مصر.. نانسي عجرم تكشف سبب تقديمها أغنية أنت مصري
حلت الفنانة اللبنانية نانسي عجرم ضيفة على برنامج معكم منى الشاذلي، وخلال وجودها تحدثت عن سبب تقديم أغنية أنا مصري، والعديد من الأمور الأخرى الخاصة بها.
قلت لازم أقدم تحية شكر لـ مصر.. نانسي عجرم تكشف سبب تقديمها أغنية أنت مصري
وقالت نانسي عجرم: أول حفلة جماهيرية ليا كانت في مصر وشوفت منها حضور جماهيري ونزلت من الحفلة قولت نفسي أقدم أغنية تحية لـ مصر ولشعبها ولما عملت الأغنية كان وشها حلو عليا.
وتابعت نانسي عجرم: أنا بطبطب على نفسي وزمان كنت بحمل نفسي ضغط بس أنا دلوقتي شايفه اللي وصلتله كتير وراضيه عنه لأني وصلت بمجهودي ولازم أقدر نفسي وبقيت متفهمه الضعف أوقات وبحتفل بنجاحي والعمر بالنسبالي روح حلوة مش رقم.
وعن كواليس دعم والدها لها منذ صُغرها وهي في الدراسة أضافت: بابا كان بياجي يحط صوري قدام المدرسة للحفلات بتاعتي وأنا كنت صغيرة والمدرسين نصحوه إنه يسيب ليا وقت وإني صغيرة لسه وإني آخد وقتي في الدراسة وكنت بغني في الحي اللي عايشين فيه.
وعبرت نانسي عجرم عن حبها لمصر، قائلة: نفسي آجي مصر وأطول في القعدة، لأني باجي وبمشي على طول بسبب ارتباطاتي وعائلتي، أنا بحب أشوف مصر وبحب أزور الأماكن اللي بحلم بيها زي الأهرامات، وبحب أقول إني أنتمي لمصر.
وأكدت نانسي أن مصر كانت وما زالت محطة مهمة في مسيرتها الفنية، مشيرة إلى أنها تعتبر الجمهور المصري شريكًا أساسيًّا في نجاحها منذ بدايتها وحتى اليوم.
