زوجة تطلب الطلاق: زوجي بينام عند والدته 3 أيام في الأسبوع ومش عارفة أعيش حياة زوجية طبيعية
قدمت شابة دعوى طلاق أمام محكمة الأسرة، وقالت إنها من أول يوم زواج وهي مش حاسة إن ليها بيت، لأن زوجها متعلق بوالدته بشكل مبالغ فيه، وبيبات عندها يوم ويوم، وده سبب لها إحساس دائم بعدم الاستقرار.
حكايات محكمة الأسرة
وقالت الزوجة أمام المحكمة: أنا متزوجة من سنتين ولسه لحد دلوقتي مش عارفة أعيش حياة زوجية طبيعية كل ما أقولّه تعال نام في بيتك، يقول: أمي لوحدها ولازم أطمن عليها.
وأضافت: مش معترضة يروح لها، بالعكس هي ست طيبة وأنا بحبها، لكن ينام عندها 3 مرات في الأسبوع ويقولي اعتبريها زيّ أمك طب وأنا مراته؟.
وأوضحت أنها حاولت تتفاهم معاه أكتر من مرة، لكنه شايف إن ده واجب ومفيش عنده نية يغيّر الوضع.
وقالت: ده خلق مشاكل بينهم، وإنها بقت تقضي أغلب أيامها لوحدها، لدرجة إنها بقت تحس إنها مش متجوزة أصلًا.
بدوره أوضح الزوج، أن والدته كبيرة في السن وتحتاج لوجوده، وأن زوجته لا تقدّر ظروفه.
وقررت المحكمة، إحالة القضية للتسوية والبحث الاجتماعي قبل إصدار الحكم.
