نانسي عجرم: من أول ما تزوجت بيطلع عليا شائعات إني اتطلقت
حلت نانسي عجرم ضيفة على برنامج معكم الذي تقدمه الإعلامية منى الشاذلي، التي كشفت من خلاله عن العديد من كواليس حياتها الشخصية والمهنية.
نانسي عجرم: من أول ما تزوجت بيطلع عليا شائعات إني اتطلقت
وقال نانسي عجرم: شائعة الطلاق بتطلع عليا من أول ما اتجوزت واتعرفت عليه لما كنت بعالج سناني وبعد سنة حصلي مشكله في سناني ورجعت أتعامل معاه تاني وده هو القدر، فادي لما خلصنا علاج سناني قالي خلاص مش عايز فلوس أنتي زي أختي الصغير وبعد كده بقيت مراته.
عن دعم والدها لها قالت: بابا كان بيجي يحط صوري قدام المدرسة للحفلات بتاعتي وأنا كنت صغيرة والمدرسين نصحوه إنه يسيب ليا وقت وإني صغيرة لسه وإني آخد وقتي في الدراسة وكنت بغني في الحي اللي عايشين فيه.
وعن حبها لمصر، قالت: نفسي آجي مصر وأطول في القعدة، لأني باجي وبمشي على طول بسبب ارتباطاتي وعائلتي، أنا بحب أشوف مصر وبحب أزور الأماكن اللي بحلم بيها زي الأهرامات، وبحب أقول إني أنتمي لمصر.
كما أكدت نانسي أن مصر كانت وما زالت محطة مهمة في مسيرتها الفنية، مشيرة إلى أنها تعتبر الجمهور المصري شريكًا أساسيًّا في نجاحها منذ بدايتها وحتى اليوم.
وعلى المستوى المهني تواصل نانسي في الفترة الحالية التحضير لأكثر من أغنية من المقرر أن يتم طرحها خلال الفترة المقبلة.
