أملنا في قضاء بلدنا كبير.. أول تعليق من أسرة ياسين صغير دمنهور على تأجيل جلسة النطق بالحكم
قضت محكمة جنايات مستأنف دمنهور، الدائرة الثالثة، المنعقدة بمحكمة إيتاي البارود الابتدائية، برئاسة المستشار أشرف عياد، رئيس المحكمة، وعضوية كل من المستشارين فخر الدين عبد التواب الدرجلي، خالد محمد أبو زيد شكر، محمود محمد خليل غيطاس، بتأجيل محاكمة المتهم بالتعدي على تلميذ مدرسة الكرمة بدمنهور لـ18 نوفمبر لاستكمال المرافعة.
أول تعليق من أسرة ياسين صغير دمنهور على تأجيل جلسة النطق بالحكم
وقالت إحدى قريبات صغير دمنهور في تصريحات خاصة لـ القاهرة 24: الجلسة النهاردة اتأجلت لـ الثلاثاء المقبل لاستكمال مرافعة محامي الخصم وأملنا في ربنا كبير ينصرنا الجلسة الجاية.
وأضافت: كنا متعشمين تكون دي الجلسة الأخيرة لأننا صبرنا كتير من شهر 5 لحد النهاردة ونفسنا الموضوع يخلص على خير عشان الولد يبدأ يشوف حياته الطبيعية.
واستكملت: ياسين مش بيروح المدرسة وكان رايح الجلسة النهاردة على أمل يرجع يبدأ حياته من جديد، إحنا مرينا بظروف كتير صعبة ومتأكدين إن ربنا هيعوضنا.
وأوضحت: كنا متعشمين تكون دي الجلسة الأخيرة والموضوع يخلص على خير، كل اللي يهمنا إن اللي حصل لياسين مايتكررش مع أي صغير تاني في سنه، ومانتمناش حد يشوف اللي شوفناه، والطفل مش مُدرك المشكلة لحد دلوقتي بس هو كل تفكيره إن نفسه يحبس المستر.
تأجيل جلسة صغير دمنهور
وشهد محيط محكمة جنايات إيتاي البارود الابتدائية بمحافظة البحيرة، صباح اليوم، والمنعقدة بداخلها محكمة جنايات مستأنف دمنهور، تشديدات أمنية مكثفة، وذلك تزامنًا مع انعقاد سادس جلسات محاكمة المتهم بالتعدي على الطفل ياسين تلميذ مدرسة الكرمة بدمنهور.
